الأحدااااث ماقبل الأخيرة لــ (( شــــاعر المليووون)) ..؟؟؟؟

اسعد ربي كل اوقاااااتكم بالرضى والعفو والعااااافية ,,,
حبيت انقل لكم بعض اخبار الحلقة ماقبل الأخيرة لشاااااعر المليون ,,,

مع اني للأمااااانة ,,, ماكنت متابعة ولاحريصة عليه ,,, لكن بديت اتابع
اخباره بصورة متقطعة الحلقات الأخيرة ,,,, تقدروووون تسمووونه
حب "فضووول" لمعرفة ميييين راح ياخذ البيرق ,,,!!!

وماراااااح اكذب بصراااااحة كلي "امل " يكون هالمرة سعووووودي,,!!
نقووول ان شاءالله ,,,

*·~-.¸¸,.-~**·~-.¸¸,.-~*

حلقة الخميس 5-3-2009

تصويت الجمهور :

تم ترشيح / محمد التميمي

المشاركين :

حمدان المحرمي
- زياد بن حجاب
- عايض الظفيري
- فهمي التام

طبعا النظام كان قصيدة حرة اختيارية من كل شاعر,,,,
ثم يكون ارتجال بيتين لمواضيع محددة مسبقا ,,,

(( عايض الظفيري )) تأهل من اللجنه

والبقيه لتصويت الجمهور

========

شعراء الحلقة القادمة :

1- فهد الشهراني ( السعودية )
2- محمد التميمي ( السعودية )
3- عايض الظفيري ( السعودية )
4- عيدة الجهني ( السعودية )
5- محمد المويزري ( الكويت )
6- ( ............. ) ( ......... )

وبانتظار التصويت لمعرفة الشاعر السادس

طبعا سويت جولة على بعض المواقع ,,, تخيلوا لقيتهم خلاااااص
مختارين ومخلصين الشاعر السادس ,,,,,!!!
لقيتهم مرشحين " زياد بن نحيت "

هل هو توقع هل هو شي ثااااااني ,,,,, ربي العااااالم ,,,!!!

ولايفوتني ,,,, كان الضيف بنفس الحلقة الشاعر/ فهد عافت ,,,
وقال قصيدة روووووعة "بالملك / فهد بن عبدالعزيز" رحمة الله عليه ,,,
دورت عليها وجبتها لكم ,,,

*·~-.¸¸,.-~**·~-.¸¸,.-~*

اللي تعب واسترحنا نتعب ويستريح = قل للتعب يبشر بسيلٍ يهوله عدد

اليوم اذا يبسن الارياق يبسن صحيح = ياضيق الاثنين فى مستبشرين الاحد

الدمع يسبقه باقيه انحدار ومطيح = فاللي نزل من مدامعنا علينا صعد

مات الكريم الحيي المستقيم الصريح = اشجع هل الارض واخوفهم متى ماسجد

لولا المنايا منايا كان شفت الطريح = أي الصدوقين واوفاهم وعيد ووعد

لاشك ربه كتب ماللمنايا نطيح = نفنى ولا دايم الا وجه واحد احد

يارب كانه ستر نفس وحفظ عرض زيح = عن وجهه النار واغسله بسحابة برد

انت الكريم وتحب من الوجيه الفليح = بشر من احسن بك الظن بدروب السعد

عز الله انه عدل فينا عسى الله يبيح = له ويغفر ذنبه ويجزيه عنا رغد

عف وعفى واصلح وجاهد وصان المليح = ولافارق اجر الصواب اجره على ماجتهد

ياحي الافعال من مسك وقرنفل وشيح = لاطاب طيبك ولا سوى سواياك احد

في الميتين الرثا يكتب وفيك المديح = يكمل مديحه بوصفك ياعظيم البلد

جمع البخاري ومسلم للحديث الصحيح = جمعك صحاح الشيم والطيب متن وسند

خمس وثمانين عام وكون صدرك فسيح = قل يعقب من نكر فضل يهبا من جحد

والفرق بعد المهد يظهر وقبل الضريح = يافارقٍ فالضريح وفارق ٍ فالمهد

من استطاع السبيل وحج فرضه يطيح = ومن طاح فرضه رجع شايل جمايل فهد

ماهبت الريح تبقى وانت لا هب ريح = ياآعف الالسن جميع ..اكرم هل الارض يد

لوماتسمى ملك ماظن ربي يتيح = هذا الاسم للبشر من قبل ولا بعد

وقت الرخا يكثرون اهل اللسان الفصيح = يا افصح الناس لاضاقت وعز السند

ان كان فيما كتب خادمك ضي ٍ شحيح = ياسيدي فاللسان من المصاب انعقد

واللي جهل في حضورك علم الامر القبيح = تعلم ف غيبتك جهل الصبر والجلد

وهو بس اناللي ضلوعه من دموعه تسيح = المملكة والعرب والمسلمين وبعد

يالله بصبر بلا سلوان يشفي جريح = سلوان مثلك ماهو حاصل ولا اطلبه ابد

ياوالدي كل عرق من عروقي يصيح = يامكرمك والد.. يابخل بخلي ولد

وبس وسلاااااااااامتكم ,,,

اشكرك مبدع اخوي ,

ولاهنت على الطرح الجميل

والله لايهينك .,

تحيااتو