أنا تقبلت العزا فيك من العام
كن العزا في موت حبك تهاني
يا ما سهرت الليل لا غبت ما أنام
ترقد وأنا أزرع في رجاك الأماني
وأثر السعادة في رجا حبك أوهام
لا طاب جرح صابني منك ثاني
جارت على قلب شقى فيك الأيام
أشكيك للي في غلاك ابتلاني
سهرت عليك عيون ما أظن تنلام
ذاك أمس..وألا اليوم..ما جا كفاني
افرح بطيشك و الغرابيل قدام
ياطاك من وقتك مثل ما وطاني
راجع تبي قلبي عقب ما تندمت
راجع تبي قلبي على خبرك العام
كنت أنادي يا هوى البال وين أنت
و اليوم حبك ينتظر حكم الإعدام
على الجفا من طول صبري تعلمت
والجرح في قلبي تداويه الأيام
خلك بدربك لو مشيت و تعذرت
مسكين..يا باني قصورك بالأحلام
مجبور أخليك لو بكيت وتأثرت
وش حيلتي حظي تردى ولا قام
ما عاد لي بالحب مثلك تغيرت
يا زين حبك ينتظر حكم الإعدام
مشكلة لا صرت تعشق والعشق كذبة زمان
مشكلة لا صرت تبني واللي تبني له يهد
مشكلة لا صرت توفي و الوفا ما به حنان
مشكلة لا صرت تشكي واللي تشكي له يصد
ما بقى للحب حاجة و الزمن ما به آمان
ما بقى للصدق حاجة في قلوب ما تود
دموع الهم والحسرة..دموع الصدق والحرمان
دموع من الألم تجرف معاها صوتي المبحوح
سكاكين تقطعني و قلب في دمه غرقان
وعيني تشكي الفرقا وجسم يفتقد للروح
كفوف الوقت تصفعني وتذوني الشقى ألوان
اون بصوتي العالي وصدى صوتي يرد بنوح
ألا يا ناس عزوني أنا في هاليوم موتي حان
حبيب أبتعد عني ما هو بكيفه غصب بيروح
طعن في قلوبنا نذل خسيس حاقد خوان
هدم ما قد بنينا في الهوى من عاليات صروح
يا حرف الكاف و أويلاه حالي من بعدكم شان
و ادري بحالتك مثلي جريح في العشق مذبوح
تقولي لي أنا أحبك ولا أقدر على النسيان
ومهما صار في قلبي تظل ومسكنك في الروح
وأقول أني أنا أحبك عرفت أني أنا إنسان
وشفت بنظرتك نور يبدل عتمتي بوضوح
حسافة انتهى المشوار و أصبح في خبر كان
نحاول نخفي الحرقة ولكن الدمع مفضوح
حلفت وقلت لك والله ما أخونك نام بقبرك ودعني
أنا و أنت وسط قصة ولكنها بلا عنوان
بلا صفحة تخاويها وفيها من العذاب شروح
دموعي مع دموعك سببها لوعة الحرمان
دموع ما نوقفها ابد غير بطلوع الروح
هذا الزمن ما به صديق وافي
وعلى قربك شفيق
وعلى وقتك لو يضيق
رحل و دور له بديل
حتى صديقك الوفي
وقت الشدايد يختفي
تعطيه حتى يكتفي
وهو لك بفعله بخيل
أنا البشر جربتهم
صغيرهم و كبيرهم
وعلى الوفاء عاشرتهم
وماشيتهم وقت طويل
لكنعلي تغيروا
و من دون ذنب هجروا
وبعشرتي ما فكروا
وأيضا نسوا الماضي الجميل
منهم أنا ذقت القهر
وشفت الخيانة والغدر
وحلفت ما آثق في بشر
لو هو عطاني المستحيل
والحب قبره بحفره
بين الحنايا واقبره
و أبكيه وبالخير أذكره
وألب له الجنة نزيل
هذي أهي قصة حياة
إنسان كل ما فيه مات
ماله أمل أو أمسيات
وماله بهالدنيا خليل
غريب عاش بهالحياة
وفي داخله يحمل أساه
هذا الزمن حيله و وطاه
ولا عاد باقي فيه حيل
ما عاد ينفع اعتذار وندم
ضيعت كل الحب بلحظة وهم
لا تفكر أنا نادم عليك
يا ما تمنيتك من بد هالعالم شريك
خليتني ما بين آهات وألم
و أنا اللي دايم أداريك
مسكين قلبي معاك والله أنظلم
وربي أنظلم
دايم تقسى والسبايب تغليك
قصر بنيته بحشاي أنهدم
وسنين عمري أرخصت لك لا حرام
أنا أعترف إن الحياة عقبك عدم
لكن بصبر و أبتعد عنك و أجفاك
وفيت وما توقعت الخيانة
وقلت اللي يكفيني حنانة
و ممداني ابعد عنه حظني
لقيت الكذب متوسد مكانه
آسف إذا قلت لك أنسى زماني
مهو بيدي قلبي اليوم ناسيك
حبك نسيته يوم قلبك جفاني
ابعد و انا ابعد ولا لي بطاريك
وشلون أحب إنسان طبعه أناني
لا ما يصير تبيع فيني و أشريك
اتبع طريقك خلني في مكاني
يكفي جروح منك الله يخليك
يا ما بكيتك لين دمعي نساني
يا ما ترجيتك ولا فايده فيك
الحين جيت تقول أنسى عشاني
جابك زمانك خلك اليوم ما أبيك
غمضت عيوني
وكنت من التعب ميت
ساعتها تذكرتك
تمنيتك
تخيلتك
بداخلي...ورده من الحب تشتاق تناديني تعال بأعطيك حبي من
الاعماق...وقتها
نسيت نفسي
نسيت ارتاح
نسيت اني من التعب ميت
ولقيت الرووووح لك ولهااااانه..
![[color=green]حبك ينتظر حكم الاعدام [/color] Icon_minitime](https://2img.net/i/fa/icon_minitime.gif){kind=icon}
الإثنين مارس 09, 2009 11:59 am من طرف 
اليومية
