خطايا

هموم المفارق

لو تعرف الخطايا كيف كنت محروم كان سود الليالي يوم طحت سمحت

لو هموم المفارق مثل كل الهموم ماتشوفون عيني بالدموع سبحت

ولو تحن المشاكل عقب حب الخشوم كان حبيت خشم المشكله واستحت

بين صدة عزيز وكبرياء مهزوم عين شحت على وعينٍ استسمحت

بس مالله خلقني من بكاي معصوم وادري انه المحاجر لو تفيض افضحت

والله اني على جرحي صبور وكتوم لكن ان الدموع ان روحت روحت

اعذلتني ظروفي وانهكتني عزوم والوجيه احزنت لي والقروب افرحت

اشهد ان الليالي ماتعرف السلوم قلب جافي لقاه ووجه صافي بحت

راهنتني تبلل بالدموم الكموم ويشهد الله عليها راهنت واربحت

احرمت نور عيني من غلا ريم قوم بذرةٍ وارتوتني واثمرت واطرحت

جادلٍ دوم ماهي مثلها كل يوم استضاحت غموض وبالغموض اوضحت

دورت بين قلبي والهدب درب نوم وامرحت وين مدري المهم امرحت

تنحت اسمي بقلبٍ جيت فيه معزوم واسمها بين جلدي والعظام انحت

مثل جفني لعيني بالنعاس محكوم كل مانمت نامت كل ماصحى صحت

ماتعارض كلامي غير عند اللزوم بس لا قمت اسولف واندمجت سرحت

دايم ازعل عليها بس قلبي رحوم وهي تموت بعذابي من تحت لي تحت

مثل وجه العلاقه في ثياب الخصوم ان تطيبت طابت وان جرحت اجرحت

خصها الله بوصفٍ من خيال معدوم لا اذان اسمعتبه لاعيون المحت

كن ربي خلقها من بياض الغيوم ومن كفوف السحابه بالورد القحت

عن سواها فرقها بالقمر والنجوم وكل عذرى تباها بالجمال انزحت

بالحلا هي كوم وباقي الناس كوم كفتٍ عادلوها بالبشر وارجحت

حسبي الله على الي مابغاها تدوم من بعد كيف كانت شوف كيف اصبحت

لاتحقق وصال ولا فراق محتوم خطةٍ قربتني للفشل وانجحت

لعنة العشق تبقى مثل ضرب السهوم لو محى الوقت جرحه صورة ما انمحت

كيف ابنسى وانا الي من جفاف لسموم ماحشمت العيون ولا الدموع فلحت

كانها بالحميا كل ربعي قروم لو يلدون لاصعاب الظروف صلحت

اجزم ان كنت ياقلبي شجاع وجزوم لد لعيون بنتٍ لا التفت الفحت

ماتهين البخيل الى يدين الخدوم دام كف الخطايا بالجفا لوحت

نطح الباس باس ونطح اللوم لوم وان تهدت تهد وصيح ان صيحت

ياتعيش بمعزه ياتموت محشوم ودك ان الليالي لافعلت امدحت

عمر ضعف الاراده مايسر الرخوم ضربت السيف بيدين الشجاع ذبحت


صادف غرورك عزة النفس فيني +*^*+ ولاخضعت بعزة النفس معذور
شلتك بقلبي واحتضنتك بعيني +*^*+ وزرعت فيك احلام عن ليالينا نور
ابيك في صدق المشاعر تجيني +*^*+ لكن مع ايامي تماديت بالجور
آسف انا ما ابيك ياللي تبيني +*^*+ وماني على لحق المقفين مجبور
راحت سنين العمر وينك وويني +*^*+ اليوم دوري وباكر لك الدور
انا عزيز النفس لا ترتجيني +*^*+ مغرور....دور لك على انسان مغرور

.
مجبور أنا أعيش من بعد فرقآك
وأخفي جروحي بين نفسي وذآتي
صدقني راح أقوى ع ـالبعد وأنسآك
وألقى أمل غيرك يجدد حيآتي

غلطاتك أكبر من سطورك لو أقراك
وصبرت لين الصبر فجّر سكاتي
كم جرح أثر بي تألم وناداك
ويقول لك بالله هذي جزاتي!

واصل طريقك وإتبع دروب ممشاك
وإنسى في إني بيوم وهبتك غ ـلاتي
وأنا بأعيش العمر من بعد ما أنساك
وأبقى مع حزني وبآقي صفآتي
.اكذب عليك ان قلت لك بعدك شي عادي

اضحك وانا من جور الايام مجروح

جرح توسط في حنايا فؤادي

ليت الجروح يومين وتروح

بعثر ورقنا هالزمان الرامادي

واصعب شي على الانسان غربة الرووووووووح

........

بكيت بصمت

بكى جوفي

بكت عيني بكى مجرى شرايني

بكى الاحساس والنبره

بكى الخافق مع النضره

بكى التاريخ من عمري وبكى الباقي من ايامي

لاأني فاقدك وينك ؟؟؟؟؟؟؟؟

.......


الوقت قاسي واليالي بها هم

والقلب يشتكي ما لقينا مداويه

والعين تبكي ودمعها صار دم

والجرح ينزف يشتكي جور غاليه

وش حيله الي بغى شي وماتم

سود اليالي في طريقه تعنيه

......

تعبنا نرتجي الدنيا ولو لحظه تهنينا

تعبنا نرتجي جمعه بلا فراق والم واحزان

تعبنا من ردات الحظ ولو نسلى يبكينا

تعبنا نتجتمع ساعه ويفرقنا الدهر ازمان
............

احتاجك حبيبي الحين وهم بعدين

مثل ما احتجت لي ايام

انا ما احس سوى كلمه انا احتاجك

تعبر عن ونين ضلوعي الالام

حبيبي كيف تجفاني ؟؟

في وقت حيل انا احتاجك

بدونك صعب انا اصبر يا اغلى الناس في عمري

حبيبي صعب انا اوصف مدى

مدى حاجة وجودك لي

حبيبي تصور كيف انا احتاجك ولا القاك ؟؟

يسلموووو
على الشعر يا ابو اخطايا
اوكي كثر من الشعر اوكي يا قلبي ؟؟؟؟؟؟؟


لووووووووووووووووووووووووووووووول

ماشي ياعيوني

فديت عيونك